Aste santuko irteera

Aste Santu honetan Nafarrora joan gara irteera egitera, Muzki-ko herrira zehazki. Guztiontzat herri berria izan zen eta beraz, etxe berria baita ere. Etxea guztioi gustatu zaigu, izan ere, jolasteko gauza asko zituen, hala nola, ping-pong mahaia, saskibaloiko saskia, frontoia, futbol zelai txikia eta beste hainbat gauza.

Lau egun hauetan zehar adar bakoitzak zenbait aktibitate eta ekintza egin ditu:

Koxkorrek, aurreratu genuen bezala, beldurrezko gauari azkeneko detaile eta prestakuntzei ekin genien, mozorroak nola egin, beldurra nola eman, sustoak egiteko non ezkutatu, musika.... Azkenean, hiruhilabete honetan egindako esfortzu guztiak saria eduki zuten: gaubela primeran atera zen eta jendea beldurtu genuen!

Oinarinek zenbait ekintza egin zituzten: oinarin berri bati kanpaldia zer zen azaltzeko, aurreko urtean ateratako argazkiekin collage bat egin genuen. Ohikoena monitoreak afaria egitea da, baina, guk, oinarinek, afaria prestatu nahi izan genuen takote oso goxo batekin batera, eta aizue, oso goxoa atera zen dena, zopa, san jakoboak eta takotea.

Azkarrek hanketako masaje tailer bat prestatu genuen gure monitoreentzako eta bikain atera zen, tailerraren ondoren, oso erlaxatuak sentitu ginelako. Tailer honetaz aparte gazta tarta paregabea egin genuen, nahiz eta erraza ez zen izan, errezeta hori lortzeko janariarekin lotura zuten proba batzuk pasa behar izan genituelako.

Muzkiko etxera bi trebe bakarrik etorri ziren baina oso ondo pasa zuten elkarrekin, eta gainera, egun batean oinarinen monitore gisa ibili ziren.

Talde egunean erromeria iritsi zen Muzkiko herrira. Goizean Euskal Herriko merkatuan postu bat zabaltzeko agiri baten bila joan behar ginen, eta horretarako, gazta batek zenbat pisatzen duen asmatu behar genuen, baita bertso bat asmatu eta mimbrezko saski bat egin ere... Arratsalde osoan zehar herri kirolen inguruan apostuak egin ondoren, gure harridurarako, lortutako diruaren arabera, afarian janari gehiago edo gutxiago izan genuen. Jolastutako herri kirolen artean zaku karrerak, lokotsak, toka eta esku pilota zeuden.

Gauean, ohikoak denez, antzerkiak burutu genituen taldeka eta monitoreek berea egin zuten, gazta egiteko prozesu osoa erakutsiz:

BIGARREN HIRUHILABETEAN MURGILDUTAK

Kaixo Aratzkiedok!

Oraingo hiruhilabete honetan adar bakoitzak dinamikekin, abenturekin eta enpresarekin jarraitzen dugu. Jakin nahi duzue zer egiten dugun adar bakoitzean?

Koxkorretan Nafarroako Muzki etxean egingo dugun gaubela bat prestatzen ari gara, inoiz ikusi duzuenaren baino beldurgarriagoa. Bertan zombie-ak, exorzistak, frankstein, heriotza eta bestelako pertsonai beldurgarriak azalduko dira gau horretan.

Horretarako, larunbatero biltzen gara eta dena prestatzen dugu, pertsonaiak, mozorroak, istorioa etab. Adibidez, astebukaera honetan Kristina Enea parkera joan gara beisbolean jolastera eta irabazten genituen puntuen bidez, istorioaren zatiak lortzen genituen. Azkenean, oso ondo pasa eta gero, gure gau beldurgarriaren istorioa asmatu genuen.

Ikusiko duzue zein beldurgarria izango den!

Oinarinek gure irteera prestatzen ari gara eta era berean aktibitate dibertigarriak egiten ditugu. Pasa den larunbatean portuan egon ginen objektu-trukean. Hots, monitoreek egindako talde bakoitzari objektu batzuk eman zizkieten eta guk, horiek trukatuz, gauza hobeagoak lortu behar izan genituen.

Alegian egin genuen egun pasan egon ginen Oinarinak

Azkarrek gure enpresarekin jarraitzen dugu. Esan genuen bezala Aratzeko jertseak egin ditugu eta azkenean, saltzeko prest daude. Beraz, gogoratu ezazue larunbat honetan (martxoak 17) Aratz osoa Ategon geldituko garela jokoak egiteko, sorpresa txiki bat emateko eta, denok gaudela aprobetxatuz, jertseak saltzeko. Ordua, beti bezala, arratsaldeko 16:30ak.


Hauexek dira egin ditugun jertse politak, bi koloreetan, gorria eta urdiana. Espero dugu zuen gustokoa izatea. Hauen prezioa 25€-koa izango da, baina bat baino gehiago hartuz gero, BAKOITZAK 20€ BALIOKO DU BAKARRIK! Hori bai dela eskaintza.














Espero dugu, beraz, denok Ategon agertzea eta batera momentu zoragarriak pasatzea.


LASTER ARTE LAGUNAK!

Gabonak Belabaratzen

URTE BERRI ON GUZTIOI!

Espero dugu oso ondo pasa izana eguberriak, guk ere oso ondo pasa izan ditugu eta.
 

Aurreko 26tik 29ra Gabonetako irteeran Belabaratzen (Orereta) egon ginen. Ohiko moduan, Aratz osoa elkartu ginen hara joateko. Donostian trena hartu ondoren, Oreretatik oinez abiatu ginen aldapan gora Belararatzera. 

Behin han ginela, lasai-lasai bazkaldu genuen. Irteera osoan zehar aktibitate asko egin genituen: Sukaldaritza tailerra (txokolatea eta erroskilak), zirkoaren mundua ezagutu genuen, zine saioa, ibilalditxo bat San Markosera…

Talde egunean, Mari Domingi eta Olentzero bisitan etorri ziren Asolot izeneko herrira. Hango biztanleak zaharrak ziren eta gabonetako espiritua gaduta zuten. Olentzerok eta Mari Domingik laguntza eskatu ziguten Asoloten gabonak berpizteko. 
 

Etxe asko zeudenez, taldeka banatu ginen etxez etxe joateko. Ohitura den bezala, ateak irekitzeko gabonetako-kantak abestu genituen. Behin barruan ginela, etxeko jabeak zeregin bat egiteko eskatzen zigun, horren truke puntu batzuk ematen zizkigun subasta batean parte hartzeko.

Bazkaldu aurretik subastan, afarirako osagai goxuak lortu genituen, txaka, patea, urdaiazpikoa, atuna, artoa, gulak… hori bai ezustea gurea!!!! Mmmm ze ona zegoen dena!

Arratsaldean, Oreretako ikastolako zelaira joan ginen gabonetako pinuak apaintzera, baina ez pentsa zuhaitz arruntak zirenik, mugitu egiten ziren eta gu beraien atzetik korrika joan behar ginen. Bukatzeko etxera bueltatu ginen eta bertan, bi pinu ezkutatuta zeudela esan zigun Olentzerok. Bilatu eta azkeneko apaingarria itsatsi genien. Apaingarri gehien jarri zituen taldeak, opari handienak lortu zituen, baina lasai, denek genuen bat bakoitzarentzat. Irekitzeko orduan, papera puskatu eta, a ze nolako sorpresa, ez zegoen ezer!!! INUZENTEEEE INUZENTEEEE!!! 

Gaubela berezi bat izan zen niretzat, nire lehenengo “kotioia”!!! Musika, dantzak, atzerkiak, janaria eta edaria ez ziren falta. 

Dudarik gabe ireteera ezin hobea izan zen denontzat!

BUELTAN. Aratz hemen da berriz!!

Urriaren 14ean Urnietara irteera egin genuen, kurtso berriari hasiera emateko, haur eta monitore berriei ongietorria emateko eta elkar ezagutzeko.

Aurreko urteko bost trebeetatik, lau, monitore taldera pasa dira gogo askorekin. Hauekin eta joan diren monitoreekin, aurten 17 gara.

Irteera guztietan bezala, Talde Eguna egin genuen baina, egun gutxiago zirela eta, bakarrik larunbateko arratsaldea eta gaubela iraun zuen. Gaur egun Zentral Nuklearrekin dagoen gatazka dela eta, Urnietako etxea zentral nuklear batean bihurtu genuen, umeei arazoari buruz kontzientziatzeko.

Taldeetan banatu genituen Turistak zirela esanez, batzuk "Enpresarioak" ziren, bete batzuk "Jubilatuak", "Txinatarrak" ere han zeuden eta nola ez "Ikasleak". Bat-batean zentral nuklearrean lan egiten zuen neska panpox bat azaldu zen eta instalazioak erakutsi ondoren, bideo informatibo bat jarri zien. Bideoa bukatzen ari zenean sirena bat entzun zuten, orduan langileak maskarilak banatu eta beraien zeregina azaldu zieten:

"Ezbehar bat gertatu da. Hau konpontzeko zuen laguntza behar dugu. Bi ordu dituzue sektore guztietatik pasatzeko eta barruan dauden frogak gainditu ondoren atea isteko. Laguntzaile bat duzue talde bakoitzerako, zentralaren mapa duena"

Denen lasaitasunerako, talde guztiak kutsatu gabe atera ziren. Gaiarekin jarraitzeko, gaubelan, bai umeak eta bai guk antzerkiak egin genituen. Denak desberdinak izan ziren arren, guztiekin ondo pasa genuen.

Hilabete bat pasa da Irteera hau egin genuenetik. Aurreko larunbatean bezala, honetan ere ikusiko gara elkar ondo pasatzeko. Oraingoz dena primeran doa, aurreikuspen asko ditugu aurtengo urterako eta espero dugu haurrak orain arte bezain gustora etortzen jarraitzea.

Laster arte!!!!

Irla eguna 2011, piratak Santa Klaran!!

Grix

2011ko aste santuan Beizamara joan eta bertan denboran atzerako bidaia egin genuen. 60 bat urte atzera egin eta 1950ko hamarkadan kokatu ginen, Estatu Batuetan hain zuzen ere. Tupeak, larruzko txupak, gona arroxak, kotxe azkarrak eta Rock'n Rolla!! Go Grix Lighting, Go!!

Aratz taldea ere... euskalakari!

Atzo Korrika 17-ren amaiera ospatu genuen Donostian, eta beti egin ohi dugun moduan, Aratz taldeko kideok lekukoa eraman genuen eskuetan! Jai-alaitik Ategorrieta ingururaino joan ginen lekukoarekin, eta bertan hamaiketakoa antolatu genuen haur, guraso, lagun eta bixitari guztientzat (izerditutakoa errekuperatzeko asmotan). Bertan giro politean ospatu genuen aurtengo edizioa eta ondoren batzuek berriro heldu genion Korrikari zentro aldean, amaieraraino joan ginelarik euskararen alde!


Maitatu, ikasi, ari... euskalakari!

Aspaldiko partez!!

Baina, baina... zer da hau?? Zeharo utzita daukagu bloga! Zer gertatzen da, Aratz taldeak ez duela ezer egin uztailako kanpalditik ala? Gezurra dirudi!
Ba bai, aspaldi hasi genuen kurtsoa, eta honez gero hainbat irteera, ekintza, bilera eta jolas egin ditugu! Fundamenturik ez duena bloga da, ez taldea! Dagoeneko ia Aste Santuko irteera heldu zaigu eta!

Aurtengo ikasturtea Altzon hasi genuen, oso irteera dibertigarriarekin! Bertan adar berriak martxan jarri genituen, bakoitzaren funtzionamendua azaldu eta errepasatu genuen, begirale bakoitza zein adarretan egongo zen esan, jolastu, gitarra jo, gaubelak egin, abestu, mozorrotu, ilea moztu, margotu, adarra jo... irteera bat, azken batean! Azken egunean gainera nolabait "informatizatu" egin ginen eta Interneteko orrietan zehar frogak egiten aritu ginen, Troiar birus baten trabak eta Panda baten laguntza gorabehera.

Gabonetan ere egin genuen irteeratxoa, betiko moduan. Allora joan ginen, Nafarroan, eta hango tenperatura frexkoa kontutan hartuta, oso ondo pasa genuen! Sukaldean aritu ginen, ingurua ezagutzeko txangoa egin genuen, Olentzeroren bixita eta guzti izan genuen! Beti gertatu ohi den moduan ez ginen nahi bezainbeste jende elkartu irteerarako, askok gabonetan bestelako planak egiten baitituzte, baina giro goxo eta ederrean pasa genituen egun haiek (Inuxente Komandoaren erasoak tarteko).




Eta guzti honen artean, larunbateroko dinamikak! Bilerak, jolasak, abentura, enpresa, Santo Tomas eguneko postua, tailerrak, asteburuko irteeratxoren bat, urteroko ihauterietako izotz-patinaje saioa, mozorroak... denetik! Oinarinak laburmetraia batean ari dira lanean buru-belarri, martxa honetan Donostiako Zinemaldian Urrezko Maskorra irabaziko dute! Hortxe dabiltza astebururo grabaketan, gidoia lantzen eta abar. Eta azkarrek aurten ere lanean dihardute euren proiektua aurrera atera ahal izateko, bidaiatxo bat Andaluzia aldera uda partean. Animo denoi eta segi lanean, oraindik badaukagu eta denbora aurretik guztia egin ahal izateko!

Hori bai, hemendik aurrerakoa ea era jarraiagoan kontatzen dugun blog honetan, bestela ustelduko zaigu eta...